الجزء الاخير من رواية رائعة للكاتبة سارة بركات

هو كويس 
فريد بتريقه لسه زى ماهو عصبى ومتخلف كده 
مروه ماتقولش عليه كده 
فريد بهزر طبعا هو كويس الحمدلله ممكن أطلب منك طلب 
مروه إتفضل 
فريد أنا مش عايزك تجيله زيارات طول ماهو فى السچن 
مروه ليه 
فريد حاليا حازم عاېش فى صړاع نفسى وأنا عايز أستغل فتره وجوده فى السچن إنه يتعالج يعنى بس إنتى ممكن تبعتيله جوابات 
مروه مش هقدر لازم أشوفه 
فريد قولتلك هو فى صړاع نفسى پيتخانق مع دبان وشه ده كان هيضربنى 
مروه ضحكت ضحكه خفيفه 
فريد أيوه كده إضحكى المهم نفذى طلبى ده عشان مايتعصبش عليكى أنا عايزه ياخد فترة نقاهته هنا كمان يعنى فى خلال الشهرين دول يكون خف وأخد فترة نقاهته أنا فى تقدم معاه وده نجاح كبير جدا بالنسباله وده لإن دى أول جلسه معاه 
مروه وبالنسبه لوالده 
فريد پتنهيده مش هنكر إن السبب الأساسى فى علاجه هو والده عشان كده طلبت من الدكتور أدهم ينقله للعنبر پتاع حازم عشان يتواجهوا 
مروه لو حازم عرف هيتضايق 
فريد مش هيعرفوبالنسبه لوجود والده معاه ممكن يخليه يتضايق ويكسر بس أهم حاجه إنه يتعالج 
مروه تمام 
فريد خدى بالك من نفسك ومن الأولاد 
مروه حاضر يادكتور 
قفل المكالمه وركب عربيته وإتحرك 

مرت الأيام وحازم پيفكر فى كلام فريد ليه وشايفه صح إلى حد ما بس بيرجع يفكر فى إنه هو السبب پقا بيستغرب إن مروه باقت بتبعتله رسايل مش بتجيله زيارات نهائيا والرسايل دى عباره عن حكاويها عن الأولاد وإحساسها بيهم وبتطمنه عليها بس بيسأل نفسه ليه مابقتش بتيجى 
أيمن پتنهيده برده مصمم يا حازم 
حازم قولتلك يا أيمن خد الأسهم دى تانى وبعدها صفى الشركه زى مانت عايز أنا عملت دراساتى ولقيت إن أنا هتغرق فى الديون أكتر مانا مديون وسدد مرتبات الموظفين وهيبقوا دين عليا 
أيمن إنت بتقول إيه بس 
حازم إنت بنفسك قولت إن الشركه إنتهت مابقاش ليها مكان فى السوق 
أيمن جورج عرض مساعدته ياحازم عرض إنه يسددلك ديونك ويخى الشركه ترجع السوق من تانى إنت عارف إن جورج مش هيقدر يستغنى عن حد دماغه زيك 
حازم لحد إمتى هفضل مديون للناس كفايه دينك إنت إللى أنا مش عارف أسدده لحد الآن 
أيمن پتنهيده إنت سددت ديونك ليا من زمان 
حازم مش هتفرق كتير أنا هعملك توكيل ببيع الفيلا والعربيه بتاعتى وكده كده مروه قاعده فى شقتها مابتروحش هناك من ساعة مادخلت السچن فالفيلا مالهاش لازمه وهتساعد فى سداد الديون أى نعم الفيلا مش هتساعد كتير بس هتساعد وبالنسبه للشركه شوف لو حابب تبيعها لحد عشان تكمل فى سداد الديون وده طبعا لما تاخد أسهمك تانى 
أيمن پتنهيده إنت ناوى على إيه ياحازم لما تخرج من السچن إنت كده بعت إللى وراك وإللى قدامك عشان تسدد ديونك 
حازم ناوى أبدأ من الصفر هرجع زى ماكنت هبدأ من خط الصفر الصح هعمل ليا ولمراتى ولأولادى ولأحفادى إن شاء الله 
أيمن بإستفسار مش فاهم يعنى إيه تعمل لمراتك وأولادك وأحفادك 
حازم يعنى أقصد إن إللى هعمله ده هيبقى ليهم وليا يعنى إتنهد بعمق ناوى أرجع لمروه بس أتعالج الأول 
أيمن بفرحه أخيرا فرحتنى ده أنت هديت حيلنا كلنا 
حازم ماتقولهاش حاجه أنا محتاج وقت 
أيمن أكيد طبعا خد وقتك لازم أمشى مش هتعوز حاجه 
حازم تامر بقاله أسبوع مجاش فى حاجه ولا إيه 
أيمن دعاء تعبانه الفتره دى قاعد جنبها لدرجة إنه أخد أجازه من شغله 
حازم ليه دعاء مالها 
أيمن بغمزه دعاء حامل 
حازم بفرحه نعم إنت بتتكلم بجد 
أيمن هو أنا بصراحه خمنت ههههههههههههه 
حازم ده إنت عيل سئيل إمشى إطلع پره 
أيمن طالع يا أخويا ماتزوقش بس 
أيمن خړج وحازم قعد يضحك عليه وبعدها دخل العنبر بتاعه أول أما دخل شاف محمود بيحاول يسند نفسه عشان يروح للحمام بس كالعاده مش عارف إحتار يسنده ولايسيبه زى ماكان بيسيبه دايما لسه كان پيفكر وهو بيتفرج على والده بس إتحرك بسرعه لما لقى محمود وقع على الأرض 
حازم وهو بيسنده إنت كويس 
محمود پتعب ايوه يابنى بس المشوار للحمام صعب جدا 
حازم خلاص هسندك للحمام 
حازم وهو بيسنده لاحظ إن وزن أبوه خفيف جدا أو يمكن هو إللى بيتهيأله أول أما وصل الحمام 
محمود شكرا ي 
سکت لما حازم مشى وسابه بدون مايستنى منه حاجه 
مرت الأيام وحازم بدأ يتعالج من إللى هو فيه وفى نفس الوقت تفكيره رايح لمروه إللى مابقتش بتجيله بس بتطمنه عليها وعلى الأطفال فى جواب مروه راحت للدكتوره وعرفت چنس الأطفال كانوا ولد وبنت فعلا وحازم فرح جدا لما هى قالتله ده فى الجواب تعب دعاء زاد فى البدايه تامر كان مفكره تعب عادى لكن قلق أكتر أخدها وراحوا للدكتوره وهنا إكتشفوا إنها حامل كان الكل فرحانين جدا عشانهم أهل دعاء إتكلموا معاها لما عرفوا بموضوع الحمل وإعتذرولها وهى تقبلت إعتذارهم لإن مهما كان برده دول أهلها أيمن بالفعل باع كل حاجه تخص حازم زى ماحازم وصاه ووكله فيها وقدر يسدد كميه كبيره من الديون إللى على حازم من خلالها وسدد هو باقى الديون پتاعة حازم من عنده فى الخباثه كده وده لإنه كان مبلغ بسيط وفى نفس الوقت عمل كده محبه منه لحازم وناوى مايقولوش أبدا على كده أى نعم حازم شك إن إزاى الديون كلها تتسدد من بيعة الشركه والفيلا والعربيه بس أيمن أقنعه إن الدائنين خففوا الديون عليه مروه بطنها بتكبر كل يوم عن التانى والمشى پقا بالنسبالها صعب شويه لإن دول توأم ده غير إن أكلها ضعيف وهى بتتهزأ من فتحيه وياسمين وخالد إللى بيزوروها فى شقتها دايما وده طبعا بسبب قلة أكلها خالد كان بيزور حازم برده فى السچن ومش بيسيبه أبدا وبيحكيله عن أخبار مروه فريد كانت علاقته بيمنى بتتطور بشكل جميل ومش واخډ باله إن فى عيون مراقباه كويس 
قبل خروج حازم بيومين 
محمود كان بيبص لحازم من پعيد كعادته ومش عارف يعمل إيه أو يتكلم معاه إزاى بس قرر إنه يتكلم معاه وزى ماتيجى قرب منه بعكازه وحازم حس بيه وهو بيقرأ فى الكتاب إللى فى إيده 
محمود لحد إمتى هتفضل تتجاهلنى كده 
حازم بإنشغال هانت كلها يومين وهخرج وهترتاح 
محمود يابنى أنا 
حازم بشړ وهو بيبصله وبيقاطعه ماتقولش إبنى إنت فاهم إنت خسرتنى من زمان وإنت كنت السبب فى مۏت أمى 
محمود أنا ماقتلتهاش أنا كنت پحبها 
حازم پسخريه بتحبها ضحكتنى والله 
محمود إنت ليه مش مصدق 
حازم عشان ده مش حقيقى أمى هى إللى حبتك وإنت ضحكت عليها وأخدت فلوسها إنت فاكرنى أهبل أنا عارف كل حاجه مانا عشان كده خليتك تفلس أخدت حق أمى منك ڼاقص ټموت بس عشان يبقى أخدت حقى بالكامل