رواية ليلي للكاتبة بسنت عمر كاملة

اى حاجه
رن تليفون عمرو وكان والده اللى قاله أنهم قدروا يتتبعوا تليفون ليلي وقدروا يوصلوا لمكانه خرج عمرو بسرعه من البيت ومعاه حسام علشان يروحوا للعنوان اللى عصام بعتهوله وصل عمرو العنوان اللى والده بعتهوله لقى شارع جانبى شبه مقطوع وناس كتير واقفين تحت عمارة والشرطه فى كل مكان وبص ناحية السطح لقى ناصر ماسك ليلي فحضنه وحاطط سکين على رقبتها حاول عمرو يدخل العمارة لكن العساكر كانوا دايما بيمنعوه عافر معاهم كتير لغايه ما محسن وصل المكان
محسن مينفعش يا عمرو اللى بتعمله ده سيبنا نشوف شغلنا وانا بنفسي هطلعله فوق
عمرو انا هطلع معاك والله ماهعمل حاجه يمكن انا اللى اتفاهم معاه
محسن مينفعش يا عمرو قولنا
عمرو بالله عليك ياعمى بالله عليك انا مش هقدر اسيبها كده
محسن طيب طيب انت هتطلع معانا وتفضل بعيد الوضع مش ناقص تأزم
عمرو طلع مع محسن ورجالته فوق السطح اول ما شافته ليلي صړخت وحاولت تخرج من حضڼ ناصر
محسن أهدى ما تندفعش اصبر
قرب محسن من ناصر وحاول يتفاهم معاه
محسن يا عم ناصر أهدى وسيب ليلي تمشي هى ملهاش ذنب فحاجه
ناصر ابعد يا جدع انت بدل ما اموتها وارميها من هنا
محسن انا عارف انك مش عايز تعمل كده لانك لو عايز كنت عملت من زمان دى بنتك وھتموت فعلا بين ايديك بس من الخۏف
ناصر ملكش فيه

________________________________________
بنتى وحر فيها اقټلها أو لا ابعد عنى
كان ناصر بيتكلم ويقرب اكتر من الحافه عمرو متابع حركه اقدام ناصر اللى بترجع لورا ومستمر فالرجوع ومستنى اى لحظه يجرى عليهم ناصر بدأ يضغط على السکين اكتر وبدأت علامات الډم تظهر على طرحه ليلي عمرو كان هيتجنن من اللى بيحصل وبيقرب بهدوء لغايه ما وصل ناصر الحافة فعلا أثناء كلامه مع محسن
ناصر انا هموتها وھموت نفسي وارتاح
محسن ليه عايز تعمل كده دى بنتك
ناصر لا مش بنتى دى بنت الخاينه امها اللى كانت حب عمرى انا بكرهها وبكره امها
محسن بس دى بنتك وتحاليل ال dna أثبتت ابوتك
ناصر لسه هيتكلم رجله وصلت لحرف السطح فعلا واتكعبل ورجع لورا
رجع ناصر بضهره لورا وكان هيقع ويشد ليلي معاه جرى عمرو عليها فلحظه وكانت بين ايديه فى حين أن محدش قدر يوصل ل ناصر فالوقت المناسب ووقع من فوق سطح العمارة للشارع فضلت ليلي تصرخ پهستيريا فحضن عمرو اللى فضل يهديها ويطبطب عليها اخدت الشرطه ناصر علشان يعملوا تصاريح دفنه رجعت ليلي بيتها فى حالة صدمة تامه اتصل عمرو بالدكتور اللى بيتابعها وقاله يديها ادويه معينه وأنها اكيد هتفوق بعد مرور يومين كانت ليلي بدأت تستعيد هدوئها ونفسيتها بتتحسن
عمرو ها بقي ايه اللى حصل
ليلي لما جاتلى الرسالة خۏفت حد فيكم يتأذى فروحت له وقولت مش مهم انا بقي
عمرو وبعدين
ليلي وصلت عنوان الشقه لقيته فتح الباب ودخلنى وفضل يتكلم عن أن ماما خانته وانا احلف أنها بريئه وأن ده من سمۏم سهير لغايه ما سمع صوت الشرطه حسيت وقتها أنه اټجنن وقام ماسك سکين وشدنى وطلعنا على السطح انا قولت خلاص كده النهايه لغايه ما انت جيت وانت عارف الباقى
عمرو خلاص انا مش هعاتب ولا هتكلم فالموضوع ده خلاص اللى كنا خايفين منه راح ياريت ننسي اللى حصل ونبدأ من جديد
واخيرا خلصوا امتحانات بفضل الله وبدأ عمرو يجهز لفرحه على ليلي عصام جهز شقه عمرو فى حين أن عمرو خلص شركته وكان افتتاح الشركه قبل الفرح باسبوع عصام وعماد عملوا افتتاح ضخم لشركه عمرو وحسام وكانوا فى قمه فخرهم أن ولادهم بدأوا يأسسوا حياتهم بالحلال ومعتمدين على نفسهم
يوم الفرح حسام دخل بطبله وانس بصاجات على عمرو وهو بيلبس وبصوت واحد انسحسام بسم الله الرحمن الرحيم وهنبدأ الليله عريسنا الزين كحيل العين وعروسته حلوه وجميله أهلها جنوه لكن هيرتاح الليله 
من وراهم منى ومروه ونور بيزغرطوا
عمرو خلااص لازم الڤضيحه دى وانت يا ابو صاجات انت ايه اللى عامله ده
انس بقولك ايه يا عدو البهجه انت ملكش دعوة
حسام يلا يا شق علشان العربيه جهززززت
عمرو تمام ليلي كمان خلصت ومستنيه
حسام بيقرب منه ويزغزغه ايون بقى بقيتى عريس يا بببطه
عمرو ولا ابعد عنى
انس بيقرب مع حسام والله وجت فرصتك يا انس
عمرو لو قربتلى انت مش هجوزك نور
انس بيتراجع وعلى ايه الطيب احسن
لف انس وغمز لنور ولمحه عمرو
عمرو يا ابنى احترم نفسك
انس ما تخليك يا عم فام ليلتك وسيبنا احنا غلابه
عمرو وماله خلينى فليلتى وانت ابقى دور على ليلتك بقى هتتم ولا ايه
حسام يا ابو الغتاته انت هتذله لا بقولك ايه اخويا هيتجوز اختك وانت اسكت بقى
انس بيحضن حسام شق الشقايق ياللى دايما فضهرى من غير ما اقول ولا حرف
حسام خلاص يا احمد يا سعد
منى پبكاء وبتحضن عمرو حبيبي ربنا يتملك على خير ويفرح قلبك يارب
عمرو حبيبتى يا ماما ربنا يباركلنا فيكي يارب
اتحرك العريس يروح لعروسته ووصلوا الكوافير دخلت بنت من العاملات فيه
البنت يا عروسه عريسك بره
ليلي بجد انا اتوترت كده ليه
سارة اتوترتى وده وقته انا لو مكانك بعد المعاناه اللى عيشتوها هاخده واروح على البيت بلا فرح بلا بتاع
ندى ايه يا بت البجاحه دى فين الرقصه السلو والرومانسيه
سارة بلا رومانسيه بلا تورتات اوعدنا يارب
خرجت ليلي لعمرو اللى اول ما شافها فضل سرحان فملامحها كانت لابسه فستانها الأبيض المرصع بفصوص صغيرة كتيره وله ديل كبير جدا من ورا اطول من العڈاب اللى شافته طول الرواية وميك اب هادى يكاد يكون مش باين وطبعا محتفظه بخمارها وعليه تاج مرسوم بنفس طريقه النقش اللى على الفستان كانت درة مكنونه بكامل حشمتها وهيبتها وجمالها
حسام ايه يا ابنى انت نمت ولا ايه
عمرو مسك ايديها وباسها اخيرا مبروك يا لو
ليلي الله يبارك فيك يا عمرو
حسام لسارة مبروك يا انسه سارة عقبالك أن شاء الله
سارة الله يبارك فيك عقبالك يا حسام
ندى بهمس لسارة ايه هه ايه
سارة بضحك وهمس شكل ربنا هيوعدنا قريب
خرج الكل بره السنتر وركبوا عربياتهم عمرو كان سايق عربيته وجنبه ليلي اللى ماسك أيدها طول الطريق مش راضي يسيبها وصل الجميع الحفل اللى كان ف قاعه من أكبر قاعات اسكندريه وكانت الفرحه باينه على الجميع وفرحتهم بعمرو وليلي لا توصف خصوصا أن أغلب الحاضرين عارفين هما عانوا قد ايه كان فى فقرات كتيرة فى الحفل وجه وقت الرقصه الخاصه بيهم بدأت إضاءة القاعة تهدى وكانت ليلي فاكرة أن الدى جى

________________________________________
هيشغل اغنيه رومانسيه عمرو اختفى من جنبها ومبقتش شايفه حاجه حواليها غير اضاءه عليها فقط فجأة سمعت صوت عمرو بيكلمها فى المايك بس لسه مش شايفاه
عمرو ليلى النور اللى دخل فجأة دنيتى ليلي الحياة اللى قبلها كنت عايش فى روتين وملل وهدوء ليلي الۏجع اللى عمرى ماحبيت حاجه قده
ليلي مصدومه ومش قادرة تحدد فين عمرو ودموعها بتنزل بصمت من كلامه وكل القاعة ساكته بيسمعوا لعمرو
عمرو ليلي اللى بدأت حكايتى معاها من قبل ما اعرفها بسنين ليلي انا حلمت
بيكى قبل حتى ما اشوفك فى السنتر يمكن كنت بحس بيكى وبوجعك وربنا كان بينبهنى ليكى
نورت اضاءة فجأة بضوء بعيد عن ليلي بمسافه قصيرة وكان عمرو واقف فيها
عمرو ليلى انا مش بحبك انا تخطيت مرحله الحب معاكى بمراحل انا بعشقك انا دورت كتير على اغنيه نرقص عليها رقصتنا بس ملقتش حاجه تعبر عن اللى حاسه معاكى 
القاعة كلها مظلمة وإضاءة فقط على عمرو وليلي حست انها لوحدها معاه ونست خجلها والناس حواليها جرت عليه ورمت نفسها فى حضنه وسط بكائها ودموعها اللى مش بتقف من قوة اندفاعها عليه رجع لورا وهى فى حضنه وقتها اشتغلت شعلات الڼار حول الاستيدج وقام الحضور كلهم يصقفوا ويصفروا حتى حسام من شده تأثره دموعه نزلت
عمرو بهمس أهدى ياروحى
ليلي بدموع انا بحمد ربنا على كل اللى حصل قبل كده وكان سبب أنه يعوضنى بيك
عمرو انا اللى بحمده أنه دخلك فحياتى وخلانى احس الاحساس ده
قرب منهم اهلهم واصحابهم من فرحتهم بيهم وفضلوا يهنوهم ويباركوا لهم انتهت الحفله وخرج عمرو وليلي من القاعه كانت ليلي فاكرة أنها هترجع بيتها لكن عمرو فاجأها كالعاده
ليلي ده مش طريق البيت يا عمرو
عمرو عارف
ليلي احنا رايحين فين
عمرو هخطفك ياروحى
وصلوا المطار وبرضو ليلى مصډومة كالعادة لقت اهلهم واقفين بره المطار
ليلي انا مش فاهمه حاجه
عمرو طيب انزلى سلمى على أهلك علشان نلحق الطيارة
نزلت ليلي من العربية وسلمت على أهلها وكانت فاكرة أن عمرو هياخدها شهر عسل برة مصر اخدت تذكرة السفر من عمرو ودخلوا الجوازات لقت مكتوب فيها المملكة العربية السعودية
ليلي عمرو حقيقي اللى فبالى
عمرو بابتسامه ايوه يا روحى انا حبيت نبدأ حياتنا مع بعض بعمره وحسيت أنها احسن من الف دكتور نفسي ممكن نروحله
ليلى عمرو انا بحبك قوى ربنا يخليك ليا ويباركلى فيك ويقدرنى انى اكون الزوجه الصالحه اللى بتتمناها
وصلوا الأراضى المقدسه وبدأت روحانياتها تملأ قلوبهم وتغسل أرواحهم وبعد اسبوعين من تأديه المناسك رجعوا أرض الوطن الحبيب وكأنهم أشخاص بقلوب ونفسيات جديده
النهاية