رواية اشرقت بقلبه للكاتبة ډفنا عمر كاملة

بود متقلقيش ربك بيعين وبعدين احنا خلاص اخوات أنا وانتي وسارة وبقينا عيلة واحدة أي مساعدة اطلبيها مني.
ابتسمت اشرقت وهي تشعر بألفة كبيرة تجمعها بتلك السيدة. ويخبرها حدسها أنها سوف تكون رفيقة غالية ومهمة في حياتها.
أديب
التفتت سيدرا لزوجها وأشارت له بالمجيء ثم مالت على اشرقت هامسة شوفتي من وقت ما ولدت وجوزي نسي اسمي كل اما يناديني برة البيت يقولي أديب انا مقهورة.

ضحكت اشرقت وهي تراقبها ثم راحت تنظر لسارة وزوجها والسعادة المنقوشة على ملامحهما هامت وهي تستعيد لحظة عناقه ولهفته على ابنة خالتها بعد عقد القران ذكرى اول عناق وأول همسة منه لها لن تنمحي بينهما.
تنهدت اشرقت متذكرة ليلتها مع رضا وكيف كانت نافرة غاضبة من كل شيء ومع هذا لم تقاوم طوفان زوجها الذي جعلها تستسلم دون قيد كأنها مسحورة.
لا تدري هل كانت تحبه حينها حقا
لا تدري لكن الأكيد ان رضا الأن صار أنفاسها التي تتنفسها لتعيش وعلى ذكره وجدته يقترب ويجلس جوارها هامسا مش يلا نمشي بقا القعدة دي هتتعبك واكيد عايزة تريحي جسمك شوية.
رمقته بحب شديد وتمتمت بخفوت فعلا محتاجة ارتاح في حضن حبيبي شوية وانام.
ابتسم وقبض كفها بحنان وساعدها لتنهض مستأذنا الجميع بالرحيل بعد تجديد تهانيه هو وزوجته.
كل الألم حل عليها حين عادت منزلها تعترف انها أرهقت نفسها كثيرا مع سارة لكن فرحتها جعلتها تتناسى تعبها ليحل عليها الأن.
_ تعبانة اوي يا رضا رجلي بتوجعني اوي شوفت وارمة ازاي
نظر لقدميها المتضخمة بشفقة ثم جلس ليرفعها على ركبتيه وراح يدلكها برفق وهو يلومها مكانش لازم تتعبي نفسك كده مع سارة يا اشرقت.
_وهي ليها غيري يا رضا دي بنت خالتي واختي اللي كنت فرحانة بيها اتعب لمين أعز منها.
ابتسم ثم مال ولثم قدميها بحنان مع قوله حبيبتي الحنينة.
قبلته لقدميها اخجلتها كما اسعدتها لتجذبه نحوها وتعانقه قبل أن تسكن رأسه على صدرها قائلة تعرف يا رضا عندي احساس أن حتى ابني مش هحبه قدك.
ابتسم وحان دوره ليحتوى رأسها بين ذراعيه مغمغما يعني مش هتركن على الرف لما الواد يجي
_انت هتبقى في قلب وعيون اشرقت.
ربنا ما يحرمنا منك انا وعيالك.
ابتعد عنها بفزع مازحا عيالك هو بطنك فيها كام عيل بالظبط
قهقهت مع قولها يا حبيبي باعتبار ما سوف يكون اصلي ناوية اجيب ولاد كتير اوي منك على الأقل نص دستة.
_يا خړاب بيتك يا رضا.
عادت تقهقه لرد فعله ياعم كله بيجي برزقه. 
_ والله يا اشرقت انا حاسس اني هعيش حياة الفنان عبد المنعم مدبولي في فيلم الحفيد لو جبتي العيال دي كلها.
ضحكت لمجرد التخيل حتى راحت تسعل ليعاجلها بشربة ماء سريعا ويهتف بعدها نامي بقا احسن انا كمان مش قادر.
تدللت عليه طب احكيلي حدوتة حلوة انام عليها.
اعتدل نحوها و عدل رأسها فوق ذراعه ثم نظر لعيناها بعشق هامسا كان ياما كان في سالف الذكر والزمان كان في شاب بسيط حب بنت جميلة من أول نظرة وقعت عيونه عليها مكانش يعرف عنها غير اسمها قلبه اتعلق بيها وحبها پجنون لدرجة كان بيشوفها في أحلامه بس هي للأسف محبتوش حلف وقتها أنه في يوم من الايام لازم يفوز بقلبها ويخليها تحس بحبه.
اكلمت هي سرد الحكاية التي تعرفها عن ظهر قلب وعيناها تترقرق دمعا وكفيها تحتضن وجهه وتغمره بحنانها 
وقدر الشاب البسيط يفوز بقلبها وخلاها تعشقه اكتر من نفسها خلاها تشوف الدنيا بعيونه وتحب حياتها علشان هو فيها خلاها تنام وتصحى وهي بتتمنى رضاه عليها خلاها ټندم على كل لحظة عاندت فيها قلبها وصدته وبعدت عنه.الخاتمة
بعد اربع سنوات.
قال وهو ينظر لساعة يده 
يلا يا مودة هنتأخر على رضا.
صاحت عليه من غرفتها يا رفعت دقائق بس الولاد لسه بيجهزوا ربع ساعة ونخلص.
ولج إليها ليجدها تمشط طفليه بعناية خاصتا ابنه الذي صار عمره يفوق الخمس سنوات ولم يلقى أي تفرقة بينه وبين أخيه الأصغر بل يحبه وشديد التعلق به زوجته الصغيرة استطاعت أن تزرع الحب والجمال بكل شيء لا ينكر رفعت أن بعد ولادة مودة منذ ثلاث سنوات بطفلهما كان متحفزا أن تفرق في المعاملة بينه وبين ابنه من قمر لكن
حاشاها أن تفعل زوجته التقية طيبة القلب لم تفعلها توزع مشاعرها وحبها عليهما بالتساوي دون تمييز ابتسم وهي تلتقط زجاجة عطره وتنثر منها على الصغار ليصيح باعتراض ايه ده يا مدام انتي بتحطي من البرفان بتاعي الغالي للمفاعيص دول
ضحكت وهي تتدلل وتستدير نحوه وكفها بوسط خصرها 
مش خسارة في ولادنا يا استاذ رفعت.
غازلها بقوله احلى أستاذ رفعت في الدنيا.
ضحكت وهي تعود لتولي اهتمامها بالصغار 
شوفت انت اللي معطلنا اهو.
وسريعا ما انتهت لتقول خليهم معاك بقا على ما أجهز انا.
ترك الصغار بالخارج وعاد لها ليجدها ارتدت ثوب أزرق اللون شديد الرقة راحت تمشط شعرها قبل أن تعقصه بقطعة مطاط ليقترب إليها ويديرها نحوه واصابعه تعبث بشعرها ايه الجمال ده كله يا مودتي خاېف تتحسدي.
ابتسمت ولا تزال حمرة الخجل تشعل خديها حين يقترب وازدت اشتعالا وهو يدمغها بقبلاته عاجزا على مقامة سحر جمالها عليه لتحاول التملص منه بارتباك 
رفعت مش وقته الله يخليك.
احتجازها بصدره هامسا حد قالك تبقي حلوة كده انهاردة.
_ حلوة انهاردة بس
ضحك بخفوت لا طبعا انتي حلوة طول الوقت في عيوني.
ثم تملصت منه ملتقطة حجابها لترتديه مع قولها بغرض تشتيته 
صحيح انت اشتريت هدية لابن صاحبك
_ايوة خليتها في العربية.
_ طب انزل مع الولاد وانا هحصلكم.
_ماشي متتأخريش.
ثم اقترب نحوها مائلا على أذنيها بهمسه بس اما نرجع بالليل لينا كلام تاني مع بعض.
ضحكت لتغزوا وجنتيها الحمرة من جديد.
مغمغمة بالشكر داخلها لسعادتها معه.
بيب بيب فين حبيب خالوا اللي هيسوق العربية الجديدة
هرول عليه الصغير محمد هاتفا بصياحه المحبب 
أنا يا خالوا
التقطه جلال ليلثمه ويدلله بحنان ومين غيرك يا قلب خالوا دي هديتي انا وولاد خالك كمان قولي بقا انهاردة عيد ميلاد مين
الصغير مشيرا لصدره انا محمد.
_وعندك كام سنة
_اربع سنين.
_ياااه ده انت كده كبرت خالص.
ليفخر الصغير وهو يشير لذراعه وبقيت قوي زي بابا.
ضحك رضا واشرقت وهما يتابعان بحنان حوار صغيرهما مع جلال ليأتي دورها والاخير يعانقها مع قوله كل عام ومحمد بخير وربنا يحفظه وتشوفيه عريس يا حبيبتي.
ربتت على صدره بحب في حياتك يا اخويا ويخليك لينا ومايحرمني دخلتك علينا ابدا.
رضا امال فين الجماعة والولادد
_جايين بس انا سبقتهم عشان اشتري العربية لمحمد وهما هياخدوا أوبر.
اشرقت بامتنان بس شكل العربية غالية اوي يا جلال ليه كلفت نفسك كده
_ مفيش حاجة تغلى على محمد ابدا ده في مقام ابني .
رضا طبعا يا ابو نسب الخال والد.
_ انا جيت يا بشړ.
_ يا سارة حرام عليكي هتشليني.
انتبهوا لمجيء سارة وأديب المبهج ليستقبلهم رضا بترحيب واشرقت تتسائل امال فين طنط وسيدرا وفيصل 
سارة سبقناهم عشان نشتري هدية لحمادة.
ثم نظرت لزوجها بنظرة ذات مغزى 
وكان عندنا مشوار مهم.
لتستطرد اشرقت بعتاب لطيف ماشي يا هانم وشكرا