رواية اشرقت بقلبه للكاتبة ډفنا عمر كاملة
المحتويات
كده في النهاية الأمر انساني انتي بتخففي الألم عن بني أدم بصرف النظر هو راجل ولا ست.
وافقتها بإيماءة عندك حق يا دينا بس أنا لسه مش متعودة بتخض من حاجات معينة.
_ يا ستي ولا يهمك أنا موجودة هعمل اللي متقدريش عليه يلا بقا نكمل غدانا بسرعة قبل ما يجي حد تاني.
دينا بعد ان ابتلعت بعض الطعام مش غريبة اني معرفش حاجة عنك يا أشرقت يعني لو حابة ندردش ونتعرف علي بعض أكتر.
بفضول عادت تسائلت طب انتي ليكي أهل غير خالتك
ردت باقتضاب أيوة بس سبتهم وجيت هنا.
_طب ليه سبتيهم وجيتي تعيشي مع خالتك
تركت أشرقت بقية شطيرتها وصمتت تتذكر أسباب مجيئها بشخوص طفيف كل شيء مر طيفه سريعا بخيالها لتهمس دون وعي وكأنها تحاكي نفسها جيت أغير حياتي واعيشها زي منا عايزة مش زي ما غيري كان عايزني اعيشها.
استعادت أشرقت تركيزها مردفة يعني كنت محتاجة اعتمد علي نفسي يا دينا مش مهم جيت ليه لأنها تفاصيل مش حابة اتكلم فيها ولا افتكرها لكن المهم اني دلوقت هنا بحقق ذاتي وبشتغل واصرف علي نفسي يعني محدش يقدر يتحكم فيا.
رمقتها دينا بنظرة مطولة شاعرة ان تلك الفتاة لديها الكثير من الخبايا لا تريد كشفها لأحد ربما في يوم ما تعلم عنها كل شيء وتنشأ بينهما صداقة حقيقية من يدري.
التفتت العجوز لها مبتسمة لتنزع زوجة ابنها الصحون من بين يديها قائلة بحسم والله ما يحصل يا طنط انتي عايزة ابنك سامي يبهدلني ويقولي مشغلاكي!
تمتمت بطيبة لا تصطنعها يا نجوى يا بنتي وفيها ايه لو ساعدتك شوية دول طبقين هتسلي فيهم أنا من وقت ما جيت وانتي زي النحلة حواليا ومش مقصرة.
واستطردت أنتي جاية هنا ترتاحي وتغيري جو استعدي بقا عشان سامي قال لما يجي بعد الغدا هيخرجنا المغربية نقعد علي البحر شوية والله ده أحنا دلوقت بنخرج علي حسك ابنك كان بينشف ريقي عشان يودينا في حتة بس الله يعينه برضو بيجي هلكان بصراحة.
_ اللهم أمين يا ست الكل يلا بقا شوفي القرد الصغير حفيدك ألعبي معاه لحد ما اشطب المطبخ واعملك شاي العصاري اللي بتحبيه واجي.
جلست جوار إحدي النوافذ شاردة وحفيدها ذو العام ونصف غافي بين ذراعيها بوداعة بعد أن أنهكه اللعب بحسرة جمة راحت تقارن بين زوجتي أولادها شتان بين زوجة رفعت وبين الأخرى الأولي تستغلها أسوأ استغلال دون رحمة لم تنسي ذاك اليوم الذي جعلتها تنظف فيه عدد لا يستهان به من السمك بحجة أن والدتها ابتاعته لها وأحضرته دون تنظيف وهي لا تعلم كيف تنظفه يومها تأذت أصابعها ببعض الندوب جراء أشواكه الچارحة ولم ينتهي عملها فقط بتنظيفه قامت بطهو وجبته كاملة ورفضت أن تأخذ منه شيء لغدائها.
تعد ولا تحصى.
أما نجوي سيدة بيت بحق وتعلم كيف هي الأصول وتتقي الله بها منذ أتتها لا تدعها تشاركها شئون المنزل رغم كثرة أعبائها فعلا بشكل لا يقارن مع قمر.
نجوى هي من تساعد طفليها الكبار في تحصيل دورسهما وتهتم بنظافة بيتها بشكل شديد وتراعي طفلها الصغير ذو العام ونصف ولا تقصر بشأنه غير أنها لا تهمل الاهتمام بمظهرها خاصتا قبل حضور سامي من عمله ودائما ما تفوح منها رائحة طيبة كل شيء بها طيب جميل.
من جديد تنهدت بحسرة هامسة بضميرها
يا خسارة بختك يا رفعت يا ابني مكنتش تستاهل واحدة زي اللي معاك دي ثم رفعت رأسها للسماء تناجي ربها بخشوع يارب انت وكيلي وحسبي أعمل لأبني الخير واصلح حال مراته ده طيب ومايستاهلش العيشة اللي عايشها دي.
وتساءلت داخلها كيف تدير قمر شئونها منذ رحلت هل سوف تكون فرصة لتعتمد علي نفسها دون مساعدة احد أم ستظل علي حالها وتخرب بيتها بيديها لا تدري ولن تتدخل بعد الأن.
ربما هو قراراها الأصوب وعليها الصمود لتري ما سيرسوا عليه حالهما.
سارة هتحضري معايا خطوبة دينا زميلتي
أجابتها الأخيرة أيوة يا حبيبتي هي عزمتني لما جيتلك الصيدلية امبارح وانا مقدرتش أكسفها وبعدين اهو فرصة نغير جو أنا وانتي.
_ كويس اوي أصل كنت مكسوفة اروح لوحدي وفكرت اعتذر
_ ليه بس تعتذري انتي مش بتقولي بقيتوا أصحاب وبتحبيها
_ أه والله يا سارة بنت مؤدبة وجميلة كده بس خۏفت اروح وانا معرفش حد خالص.
_ لا متقلقيش انا معاكي في اي حاجة يا شوشو.
واستطردت هتلبسي اي طقم وانتي رايحة
غمغمت وهي تهز كتفيها دون اهتمام عادي أي بلوزة علي بنطلون جينز من اللي اشتريتهم معاكي.
_جينز ايه يا بنتي ده فرح لازم. تلبسي فستان.
_ واجيبه منين ده وبعدين انا مش حابة البس حاجة أنا هروح ساعة زمن وارجع مش طالبة تعقيد يا سارة.
جذبتها من يديها بإصرار
طب تعالي معايا.
ثم استعرضت من خزانتها أحد أثوابها قائلة شوفي الفستان الكيوت ده هيبقا تحفة عليكي يا أشرقت.
صاحت مشيرة لصدرها باستنكار عليا أنا طبعا مش هلبسه ده هيبقي مجسم علي الأخر.
_ولا مجسم ولا حاجة هتلبسيه وتشوفي ده كأنه اتعمل عشانك يا بنتي انا كنت اشتريته والصراحة وزني زاد عليه شوية وركنته لو قت عوزة أهو طلع من نصيبك اعتبريه هديه مني ولا هترفضي هديتي
ترددت قليلا وهي تتأمل الثوب الرقيق هو في الحقيقة يروقها كثيرا لكن تستكثر ارتدائه ربما لا تريد إبراز جمالها به شيب روحها المبكر يشعرها انه لم يعد يليق بها أن ترتدي مثله لمن تظهر جمالها لم يعد يهمها أحد.
_ حبي نفسك و أوعي تستخسري فيها حاجة.
اتسعت عين أشرقت دهشة من جملة سارة التي وكأنها أزاحت الستار عن خواطرها الخفية مواصلة بالمزيد من كشف دواخلها أنا فهماكي وعارفة انك حاسة ان راحت عليكي يا أشرقت مش ده اللي بتقوليه لنفسك بس الحقيقة ان مفيش حاجة راحت أنتي خسړتي فترة من عمرك بس الباقي كله لسه بتاعك البسي واتهني واقفي قصاد مرايتك أتباهي بصورتك الجديدة اللي انتصرتي بيها علي اللي ظلمك مش كان نفسك تغيري كل حاجة فيكي بتكرهيها يبقا لازم تبدأي تحبي نفسك اللي ياما أهملتيها عشان ترضي اللي ما يستاهلش آن الأوان تعيشي من غير ما ټدفني شبابك يا أشرقت فهماني
أومأت لها بإدراك وعانقتها دون أن تنطق حرفا والكلمات متحشرجة بحلقها أبنة خالتها أصابت كبد الحقيقة من الأن وصاعدا يجب أن تتعلم كيف تحب نفسها وتتجمل لذاتها فقط هي بالتأكيد تستحق هذا.
_________
تأهبت باهتمام لحفل خطبة رفيقتها وكم احبت هيئتها الرقيقة التي برز نحولها بهذا الثوب الوردي الذي اهدته لها سارة تأملت وجهها بعد ان جملته برتوش قليلة من مساحيق التجميل الأن تحب صورتها الجديدة القوية لا تلك الضعفة المقهورة
متابعة القراءة
