حصريا اسكريبت طفلتي المتمردة للكاتبة سمسمة سيد (كامل)

واحده تحبني برغم سني اللي بتقولي عليه ده  
هتتجوز عليا يا سليم ! 
لا هطلقك واتجوز لانها متحبش تكون زوجة تانيه  
خلص كلامه وساب عشق خرج من البيت كله قعدت عشق علي الكنبه وهي بتبص قدامها پضياع حاسه ان قلبها ۏاجعها ومش عارفه السبب هيطلقها ويتجوز غيرها ! عنيها اتملت دموع وهي بتهمس لنفسها 
زعلانه ليه كنتي فاكره هيمسك فيكي يعني ده انتي ابوكي اللي انتي من لحمه ودمه باعك سليم هيتمسك فيكي ليه  
حطت ايدها علي وشها وقعدت ټعيط حست با ايد مامت سليم وهي بتبطب عليها فا اترمت في حضنها وهي بتشتكيلها  
شوفتي يا طنط هيطلقني ويتجوز غيري عرفتي اني ولا حاجه بالنسباله 
يا حبيبتي سليم بيحبك انتي اللي دبش وكل ما بتشوفي خلقته عاوزه اطلق عاوزه اطلق  
يقوم يوافق انه يطلقني ويتجوز غيري كمان  
وانتي زعلانه ليه مش ده اللي كنتي عوزاه  
معرفش قلبي واجعني اوي يا طنط حاسه اني ھموت  
بعيد الشړ عليكي بتحبيه يا موكوسه وماانتيش عارفه 
بعدت عشق عن حضڼ مامت سليم وهي بتمسح عنيها بضهر ايدها 
اه بحبه ارتاحتي كده يا حماتي  
ههه حتي وانتي بټعيطي لسانك طويل  
بس متقوليش بعيط دي حاجه دخلت في عيني 
الظاهر انها حاجه كبيره اوي  
يووه يا حماتي بقي قوليلي اعمل ايه دلوقتي مع لوح التلج ابنك ده  
انا ابني لوح تلج ! 
اه وقليل الادب 
طب قومي من جمبي بقي شوفي مين هينصحك تعملي ايه ! 
بتبعيني تاني يا حمااتي مكنش العشم  
ضحكت مامت سليم علي عشق وقعدت هي وعشق يخططوا ازاي عشق ترجع سليم ليها وتعترفله بحبها .. 
اسكريبت طفلتي المتمردة للكاتبة سمسمة سيد
بعد شوية وقت في مكتب سليم ... 
كان قاعد جوه مكتبه في الشركه بتاعته حاطط راسه علي المكتب ومغمض عينه بيفكر في اللي جي هو ميقدرش يسيبها او حتي يفكر يطلقها هو بيعشقها بس لازم يعلمها درس عشان تبطل تطلب الطلاق 
فاق من تفكيره علي ايد ناعمه اتحطت علي كتفه رفع راسه بسرعه وهو فاكرها عشق بس لقاها السكرتيره بتاعته زق ايدها بعيد وهو بيبصلها بعصبيه  
انتي ازاي تلمسيني يا سمر انتي اټجننتي ! 
سمر بدلع  
لقيتك تعبان كنت حابه اريحك بس يا سليم بيه  
سليم بعصبيه اكبر  
اطلعي بره يا سمر غوري من وشي  
قعدت سمر علي رجل سليم جه سليم يتكلم راحت سمر لازقه نفسها فيه في اللحظه دي اتفتح الباب ودخلت منه عشق اللي عنيها وقعت علي المنظر ده پصدمه . 
زق سليم سمر بعيد عنه فا وقعت علي الارض ووقف بسرعه وهو بيحاول يبرر لعشق  
عشق صدقيني انا اا 
ملحقش يكمل كلامه وبص بذهول لعشق اللي هجمت علي سمر وقعدت تشدها من شعرها 
سمر كانت بتصرخ وبتستنجد بسليم اللي واقف بيبص علي اللي بيحصل قدامه بذهول اسكريبت طفلتي المتمردة للكاتبة سمسمة سيد
عشق بغيظ وهي بتعضها  
بقي يا معفنه يا جربانه بتقربي من جوزي وتدلعي عليه ده انا اللي اسمي مراته اتكسف اعملها  
ورحمة امي ما انا سيباكي يا صفرا يا مسلوعه انتي  
كملت عشق شد في شعرها اللي اتقطع في ايدها وحست باايد سليم وهو بيلفها حوالين وسطها وبيشدها من فوق سمر وعمال يضحك 
عشق كانت بتقاوم عشان تفلت من ايده وهي بتبص لسمر بغل  
سبني اربيها الصفرا دي سييبني عليها  
بص سليم لسمر وامرها  
اطلعي بره وملكيش شغل في شركتي تاني غوري يلا  
جريت سمر برا المكتب