اربعيني في قلب صغيره لكاتبتها

بيقف وبيبص لامه بعتاب وكمل كلامه وقالها بهدوء 
الحقيقة يا امي ان همس قاعدتها ميتشبعش منها وانا لو عليا عايز افضل جمبيها العمر كله
ابتسمت همس مرة واحدة بعد ما كانت زعلانة ومتأثرة بكلام سمية بس رد رائد كأنه طبطب علي قلبها وجبر خاطرها وقامت وهي بتقول بود 
انا هحضر الغدا علطول عشان حضرتك تتغدي معانا

قاامت سمية وردت وهي بتبص لرائد بضيق 
لا متشكرة وفري وقتك لجوزك
قالت سمية اللي قالته وسابتهم ونزلت وهمس غمضت عنيها بحزن بس فتحتهم تاني لما حست بايد رائد بتحاوطها وبيقرب منها وبيقولها بحزن 
انا اسف حقك عليا انا امي طيبة ومع الوقت هتحبك انا متأكد
ابتسمت همس وردت علي رائد بتلقائية وهي بتضحك 
انت مكبر الموضوع ليه بس اصلا محصلش حاجة لكل ده يلا انا هحضر الاكل عشان ناكل اصلي جوعت اوي 
ابتسم رائد بعد ما همس سابته ومشيت وحبها في قلبه ذاد اضعاف بعد موقفها ده ودعي ربنا في سره ان حبه يدخل قلبها وتحبه زي ما هو بيعشقها
 عدي شهر عالاحداث اللي حصلت وهمس كانت في الشهر ده سعيدة اوي ورائد كان بيكبر في نظرها كل يوم عن اليوم اللي قبله خصوصا انه كل يومين كان بيوديها لامها او بيبعت يجبهالها تقعد معاها وتشوفها لانه عارف ان ده اللي هيسعدها حتي نسرين بعد ما شافت معاملة رائد لبنتها اطمنت وفرحت انه فعلا طلع عوض لهمس عن كل اللي مرت بيه كانت قاعدة همس عالسلم مع زينة وبيتكلمو سوا زي زمان واكتر حكت همس كل حاجة لزينة وحياتها مع رائد عاملة ازاي وقد ايه هي سعيدة معاه وانه بيحبها اوي وزينة وقتها ردت عليها بمكر 
انتي بتهربي ليه يا بت انتي من الاجابة انا سألتك سؤال محدد انتي بقي حبيتي رائد ولا بس حابة اهتمامه واللي بيعمله معاكي
كان رائد طالع عالسلم عشان يجيب همس وسمع سؤال زينة ليها فوقف وقلبه مقبوض احسن يسمع الاجابة اللي خاېف منها وفجأة ملامحه بهتت ومسك الترابيزين بتاع السلم من الصدمة لما