طريق الظلام لكاتبتها
المحتويات
وعنيها تطلع ڼار بصراحة معرفش جبت الجرأة دي منين ولا عارف رديت عليها ازاي كدا كنت نسيت أن أميرة لسة واقفة و افتكرت لما سمعتها بتوجهلها كلام
هو حضرتك تعرفي وليد من زمان
عز المعرفة كان جوزي
وانفصلتو
اه بصراحة مكنتش قادرة استحمل اصله فقير والفقر صعب أوي ف طلبت اننا نتطلق
بس الفقر مش عيب حضرتك العيب اننا نعاير بعض بيه
لا انا مش محامية بس بعرف ارد على الأشكال الرخيصة
انت مچنونة ولا ايه أنتي متعرفيش انا مين وممكن اعمل فيكي ايه ممكن اعمل تليفون صغير ل ابو عبدالله اخليه يحدفك ورا الشمس
انا مش بيهمني ابو عبدالله ولا ابو مازن ولا ابو حيدر
يدينا ويديكي طول العمر
شوفت سهام وهي ماشية وعايزة تقول يارب الارض تتشق وتبلعني لكن المفاجأة بالنسبالي هي رد أميرة خصوصا انها متعرفش عني حاجة ولا تعرف سهام كنت فرحان اني عرفت ارد كرامتي او جزء منها على الاقل فوقت من تفكيري على صوت أميرة
انت خلصت ولا لسة قدامك شغل
طب يلا بينا
اتمشينا شوية وبما اني فاشل في فتح المواضيع وايضا خجول ف دا معناه ان الصمت كان لييه دور كبير بينا هي برضو كانت ساكتة يمكن عشان في جميع الاحوال لازم الراجل اللي يبدأ لحد ما قررت فعلا اكسر حاجز الصمت
تعبتي
سألتها واتمنيت أنها متردش رد ينهي الكلام و ارجع اعيد من الاول افتح موضوع
وبتحبي ايه تاني
بحب الهدوء النظام لكن بدون روتين بحب المزيكا اي حاجة بسيطة بحبها وبفرح بيها جدا
زي ايه مثلا
يعني انت ممكن تجبلي وردة و اطير من الفرحة وممكن تجبلي قصر بس هيكون عادي بالنسبالي
يعني انا دلوقتي لو جبتلك وردة هتفرحي وملامح الزعل اللي انا شايفها دي هتختفي
اشمعنا
عشان انا عمري ما هفرح بالوردة طول ما انا زعلانة
و ايه اللي يفرحك
لو اعرف هقولك
الشاب اللي أنتي ركبتي معاه العربية هو السبب
سكتت ومردتش حسيت اني اتدخلت في حاجة مليش دعوة بيها و دا ممكن يرجعني تاني لنقطة الصفر
انا اسف انا مكنتش اقصد اتدخل انا بس...
دا يوسف خطيبي انا وهو اتخطبنا عن قصة حب كبيرة الكل كان شاهد عليها لكن هو اتغير مبقاش زي الأول بقا شكاك وعصبي بشكل غريب في الاول قولت عادي وبيغير عليا لكن الموضوع تطور لما لقيته بيراقبني بيراقب تحركاتي و لازم ابعتله لوكيشن للمكان اللي انا فيه دايما وبرضو كنت فاكرة انه
متابعة القراءة
