قصة ادم وندى كاملة
ادم بس حضرتك ما تتخيلش فرحتي بيكم جد ايه
ندي متشكره ليك قوي يا سعد لولاك كان ممكن اكون في امريكا
ادم واشمعني بقي سعد عمل ايه
ندي ابتسمت بعد ما انت مشيت من عندي لما رجعت من السفر جالي واقنعني اني افضل وحكالي ليه خطبت فاتن وشرحلي ظروفك كلها وساعتها قررت اني افضل واجرب حظي معاك
عملته من ورايا
سعد اعمل ايه يا سعاده البيه ماهانش عليا حبكم يضيع اكده .. وبعدين انا مجرب الحب وناره
ادم والله يا سعد مش عارف اقولك ايه بس انت بجد صاحب واخ كمان
دخلوا قاعتهم وبدؤا برقصه سلو هما الاتنين ورقصوا علي اغنيه ضميني وانسي الدنيا
عنيهم كانت متعلقه ببعض وبس والحب ظاهر للكل
خلص الفرح والعيله بتسلم علي ندي وادم وبيهنوهم
كريمه ربنا يسعدكم حبيبي
ادم تسلمي يا ست الكل
كريمه هتقضي الليله هنا والصبح تطلعوا علي شهر العسل بتاعكم صح
ادم اه ان شاءالله
ندي لا مين قال ان احنا هنقضي الليله في البلد احنا هنسافر علي طول
ندي لا هنسافر علي طول
ادم وانا قلت هنقضي الليله هنا
ندي ليه بقي ان شاءالله
ادم علشان انا قلت كده
ندي يا سلام ايه انا قلت دي
ادم ندي اسمعي الكلام
سالم يا الله منكم انتو الاتنين انا مش عارف انتو هتتجوزوا ازاي
كل واحد قعد في جنب وسابوهم يكملوا خناقهم المعتاد
ادم وانا قلتلك نفذي كلامي وبعدها اتكلمي
ندي ده مش هيحصل ابدا
كريمه لسالم تفتكر هيعمروا مع بعض المره دي
سالم هما بيحبوا بعض وده المهم وبعدين هما بيعشقوا خناقاتهم دي وطول ما بيحبوا بعض ديما هيلاقوا الطريق لبعض ما تخافيش عليهم
كريمه طيب نتدخل
ادم ندي اسمعي الكلام
ندي طيب ما تسمع الكلام انت
ادم طيب يالا نروح وبعدين نتفاهم
ندي لا انا مش هروح معاك انا رايحه لابويا
ادم حط ايديه في وسطه روحي لابوكي خليه ينفعك وانا هروح لفاتن اهو علي الاقل كانت بتسمع الكلام
اخيرا وافقت انها تروح معاه وطول الطريق بتفتكر اول مره راحت معاه ودخولها البلد والكل بيستقبلهم
بس اختلاف كبير بين احساسها الاول ودلوقتي
وصلوا البيت ودخلوا الجنينه والكل بيزغهم ومره واحده ندي وقفت
ادم ايه وقفتي ليه يالا
ندي لا مش هدخل كده شيلني
ادم بص للي حواليه لما ندخل جوه
ندي لا هنا
ادم يا بنتي لما ندخل حتي من الباب
ندي لأ هنا
ادم يا ندي الناس بتتفرج علينا ادخلي
ندي يتفرجوا وانا مالي ..
ادم يا سلام هو امر ولا ايه مش شايل
كريمه اتدخلت ادم .. ابوس ايدك شيل مراتك وادخل واقفلوا عليكم بابكم واتخانقوا براحتكم بس احنا عايزين نروح
ادم وندي بصوا للي حواليهم وحسوا فعلا ان الكل مستنيهم يدخلوا وبصوا لبعض
ندي انا عندي استعداد اقف للصبح
ادم وانا معنديش
شالها والكل صفر وضحك وزغرط ودهل بيها البيت وقفل الباب وراه ...
ادم ياااااااه اخيرا يا ندي ډخلتي الاوضه دي تاني
ندي اخيرا بس اوعي تسيبهالي تاني وتخرج
ادم انا مسبتهاش اولاني علشان اسيبها تاني
ندي اوعي تبعدني عنك تاني
ادم مش هيحصل ابدا .. انتي هتفضلي جوه قلبي وجوه عيوني ..
عاشوا حياه جميله في مجملها وخناقهم كان بيحلي حياتهم اكتر واكتر وحبهم كان بيكبر كل يوم...
امجد اتخرج واتجوز ومسك الشغل مع اخوه وبقي هو دراعه اليمين...
سالم اكتشف انه معجب بمريم سكرتيره ادم وطلب يتجوزها وفعلا اتجوزوا...
ندي فضلت تزن علي ادم انه يتنازل عن المحضر ضد عاصم وخطيبته لان مالهمش سوابق والدنيا لطشت معاهم وطلبت منه يساعدهم يتجوزا وخلي عاصم
يشتغل عنده وتحت عينه...
امجد اتجوز زميلته في الجامعه بعد ما اتخرجوا ومسك مع اخوه الشغل ...
المهم في الحياه انك تفهمها صح وتعيشها صح وتخلي طريقك لربنا ديما عامر وهو هيفتحلك كل طرق الخير وهيبعتلك ديما اللي ياخد بإيدك
وبعدين ديما فكروا ان اي شيئ بيحصل بيكون له حكمه حتي لو حسيت في وقتها انه ضايقك.. ربنا ديما له حكمه في كل شيئ.... تمت
عزيزه غلط يا هانم انه يطلبك جدام اهل
