رواية لم يعد لي بقلم يويو كامله

سريعا وتحركا في اتجاه الخارج ليستقلا تاكسي إلي فندق إقامتهم .
في الفندق 
دخل ادهم وغاده إلي جناحهم في الفندق والذي كان عبارة عن حجرة رئيسيه كبيرة بمرفقاتها وبجانبها حجرة أخري عبارة عن حجره للمعيشه تحتوي على صالون راقي ضخم .
غاده وهو تحاول الابتسام يلا ياحبيبي غير هدومك علي ما اطلب عشاء .
أومأ ادهم لها ثم دخل إلي الحمام ليأخد شاور ويبدل ثيابه .
قامت غاده بالاتصال علي الريسبشن لطلب عشاء لعروسين ولم تنسي اخبارهم عن إحضار شامبين .
ومن ثم دخلت أيضا هي لتبدل ثيابها بفستان احمر مثير وقصير .
كانت تجلس في الغرفة لتسرح شعرها بينما كان ادهم في الخارج يحضر العشاء من النادل .
دخل ادهم لينده لها تفاجأ مما ترتديه ولكنه لم يعلق واكتفي بأن ينظر لها بضيق .
ادهم بضيق يلا العشاء جه .
خرجت غاده لتتفحص العشاء ولم تجد الشامبين .
غاده بتساؤل هما مجابوش شامبين 
ادهم بضيق جابوها وانا اتخانقت معاه ورجعتها.
غاده پغضب ليه كده يا ادهم أنا اللي طلبتها .

وتركها .
غاده بضيق وهي تضع يديها في خصرها وايه يعني دي ليله واحده ومفيش حاجه اما تشرب .
اقترب منها ادهم مره اخري بضيق قولتلك أنا مبشربش ومش هغضب ربنا عشان ليله .
ثم دفعها بشده وذهب .
غاده سريعا علي فين 
ادهم پغضب داخل انام تعبان .
ثم تركها سريعا ودخل لينام .
قامت غاده بضيق لتتبعه وجدته نائم علي الكنبة التي في الغرفة .
خرجت من الغرفة وهي تكاد ټموت من غيظها .
بعد مرور ساعتين آخرين واخيرا وصل يوسف وتارا إلي شرم الشيخ .
صعد يوسف هو وتارا إلي عماره و اعطي تارا مفتاح .
يوسف ده مفتاح شقتك .
ثم مد يده في جيبه وأخرج مفتاح اخر .
يوسف وده مفتاح شقتي و زي ما أنت شايفه كده الشفتين لازقين في بعض يعني لو احتاجتي اي حاجه متتردديش انك تخبطي عليا .
شكرته تارا بإبتسامه ثم فتحت باب شقتها لتدخل وتتأملها .
كانت الشقة ليست كبيرة ولكنها متوسطه الحجم تحتوي علي غرفتين ومطبخ متوسط الحجم وصالون متوسط أيضا ولكنها كانت تحتوي علي اثاث رائع وفخم شعرت تارا بالارتياح في هذا المكان .
وجدت الباب يدق ذهبت لتري يوسف يقف وهو يحمل حقيبتها .
يوسف اتفضلي و هتلاقي في المطبخ كل حاجه تحتاجيها .
تارا بإمتنان شديد بجد شكرا يا يوسف .
قاطعها يوسف مفيش شكر بين الاخوات .
تارا أنا كنت عايزة اقولك حاجه .
يوسف اكيد طبعا اتفضلي .
تارا أنا عايزة اشتغل أنا اشتغلت قبل كده وعندي خبره .
يوسف بس أنت مش هتتعبي 
تارا بإبتسامه أنا عايزة اشتغل عشان ابني ومتخافش هحافظ عليه وبعدين لو فضلت قاعده كده هزهق .
يوسف بابتسامة حاضر هدورلك علي شغل .
الفصل السابع عشر 
في شرم الشيخ 
بعد يومين 
دقات علي باب شقه تارا لتقوم تارا بإرتداء اسدالها ثم الذهاب لفتح الباب لتجد الطارق هو يوسف .
يوسف بإبتسامه لقيتلك شغل ........!
تارا بفرحه بجد 
يوسف بإبتسامه ايوة يا ستي بجد يلا غيري هدومك وانزلي عشان نتغدي سوا احتفالا بالمناسبة دي وبالمرة اقولك علي التفاصيل .
نظرت له تارا بإمتنان وقالت بإبتسامه حاضر .
ثم ذهب فأغلقت الباب ودخلت لتبدل ملابسها .
تارا بفرحه وهي
تضع يديها علي بطنها شوفت ياحبيبي خالو يوسف بيساعدنا ازاي أن شاء الله اول ما تتولد تفضل تقوله يا خالو علي طول .
ثم توجهت نحو الأسفل إلي ذلك المطعم الذي دائما ما يجلسون فيه فهو دائما يحترمها وعندما يريد أن يتحدث معها يذهب إلي ذلك المطعم ليتحدث هناك .
دخلت تارا لتجده يجلس علي الطاوله الخاصة بهما فهما دائما يجلسان عليها .
اقتربت منه بإبتسامه وذهبت لتجلس قبالته .
تارا بحماس قولي بقي تفاصيل الشغل .
يوسف بحزن مصطنع ليكي حق مهو أنا غلطان ثم أكمل بطريقة كوميدية خلاص يا واد يا سوفا راحت عليك اول ما لقيت لتوتو شغل معبرتكش حتي ب ازيك ...!
تارا بضحك وهو في دكتور كبير اسمه سوفا 
ثم ظلا يضحكان سويا فهذا طبع يوسف استطاع خلال مده قصيره أن يجعل تارا تعتاد عليه وتعتبره اخوها وكان دائم الضحك والهزار معها حتي يرفه عنها ويمحي اي حرج بينهم .
تارا بجديه بجد يلا بقي احكيلي عن الشغل .
يوسف بصي يا ستي بما انك مهندسة ديكور ف أنا لقيتلك شغل في شركه كبيرة لسه فاتحه فرع هنا في شرم الشيخ جديد ومحتاجه مهندسين ديكور شاطرين و بعت ليهم ال C V بتاعك ووافقوا انك تروحي بكرا تعملي المقابله معاهم .
تارا بتوتر تفتكر هيقبلوني 
يوسف بثقة و من بكرا كمان ....!
تارا بقلق يارب .
يوسف بحنية وبعدين بطلي توتر بقي عشان زينهم ميتعبش .....!
تارا بتعجب زينهم مين 
يوسف بضحك هو انا مش قولتلك أن أنا عايز اسمي البيبي زينهم 
تارا پصدمه نععععععم