اسكريبت عشقت فاطمه للكاتبة سوليية نصار كامله

سكريبت♥️بقلم سولييه نصار♥️
-ممكن اسألك سؤال هو انتي ليه لابسة النقاب مع اني لما شوفتك  في الرؤية الشرعية ..مش  شايف.ان  فيكي حاجة مميزة يعني عشان تخبيها ولا يعني هتفـ.تني حد ...يعني النقاب مش ليكي .. 
قالها الشاب اللي جه يشوفني عشان يخطبني ...
بصيت لبابا اللي قاعد علي الانترية آخر الصالة عشان يدينا فرصة نتكلم ...حمدت ربنا اني غطيت وشي بالنقاب  بعد ما شافني ...كنت محرجة ومجر.وحة من كلامه بس مرضتش أعمل أي مشا.كل او ارد عليه حتي...ابتسم هو وكمل كلامه وقال:
-ما علينا الجمال مش مهم بالنسبالي. ..صحيح انا بنات كتير حلوة نفسها ترتبط بيا بس أنا ببص للاخلاق ..اتمني اخلاقك متكونش زي جمالك كده ...

عيوني دمعت وفضلت اترعش وانا سامعة الاها.نة في كلامه ...
كمل كلامه ببرود وقال:
-هتجوزك لان امي شكرت فيكي اوووي وانا محتاج واحدة ملتزمة زيك عشان تخليني اتغير والتزم دينيا لان للأسف أنا مش ملتزم اووي في الصلاة بس واثق أنك هتعرفي تحلي المشكلة دي...بس فيه نقطة تانية عشان اكون واضح معاكي إحتمال اتجوز تاني لو انتي مقدرتيش تعفيني  ...
كنت بفرك ايدي جامد وانا بسمع الكلام ده ...كنت بحس ان كلامه زي الخنـ.جر اللي بيدب في قلبي ..عارفة اني شكليا مش احسن حاجة ...مرات ابويا مسابتش فرصة الا وكانت بتشير اني مش هتجوز بسبب شكلي. ..بس  عمر ما حد اها.نني بالشكل ده بصراحة تامة وبالكلام المباشر ...
تاني يوم ...
-يعني ايه مش عايزة تتجوزيه هو لعب عيال يا  فاطمة  ...انتي فاكرة نفسك ايه مش كفاية انه وافق عشان يتجوزك ...
قالتها مرات ابويا واللي هي خالتي بعصبية فبابا زعق وقال:
-مروة !!اياكي تكلميها بالطريقة دي تاني انتي فاهمة !!
اتوترت هي وقالت:
-بس يا حسن ...
-خلاص اسكتي ...كلمة تاني وهتبقي طالق ..فاهمة ولا لا ...
حسيت شوية بالامان ...يمكن احسن حاجة في حياتي بعد ما ما.تت ماما هي بابا ..بابا اللي بيقف جمبي واللي أنا متأكدة لو قولتله علي مضا.يقة مراته ليا هيطلقها علطول ..بس أنا مكنتش عايزة أعمل مشاكل ...
قرب بابا مني وقال؛
-قوليلي يا فاطمة ايه المشـ.كلة يا حبيبتي ...
الدموع نزلت من عيوني وقولت :
- يا بابا ده بيتريق علي شكلي ...عاملها جميلة انه هيتجوزني ..اها.نني. .أنا مقدرش اعيش مع شخص زي كده ...أنا رافضاه يا بابا ومش عايزاه اتصل بيه وقوله كده...
-اللي عايزاه هيحصل يا فاطمة ...
قالها بابا بهدوء فابتسمت ليه براحة ...
........
في بيت كارم ...
-نعم رفضاني ...يعني ايه ترفضني ...
صر.خ كارم بعصــ.بية. ..مكانش مصدق ..هو اتنازل ووافق عليها وهي اللي رفضاه ...رفضته هو ...دي أكيد مجنو.نة   
-ربنا هيعوضك يا بني بالاحسن منها ...
قالتها امه پخوف وهي شايفة  انها متعصب وبيغـ.لي ...
-انا مش متضايق عشانها هي تغو.ر ..كده كده كان شكلها و.حش  ومش عجباني بس أنا اتنازلت ووافقت فبدل ما تبوس ايديها وش وضهر بترفضني...ترفضني أنا!!!! بس بسيطة أنا هوريها !
 ......
مر يومين علي رفضي لكارم وكنت مرتاحة نوعا ما بس طبعا مخلصتش من كلام مرات ابويا المسمو.م ...
كنت خارجة من اوضتي ولابسة عشان اروح لمحفظة القرآن بتاعتي لما فجأة مرات ابويا قالت :
-ابقي تعالي بدري شوية ...اخوكي جاي النهاردة ولازم نعمله اكل ...
هزيت.راسي بهدوء وخرجت من البيت ....
بعد تلات ساعات 
كنت ماشية بتوتر وراجعة البيت للأسف المرة دي اتأخرت اووي عند المحفظة...مرات ابويا أكيد هتبهد.لني ...
لسه هطلع للعمارة لما لقيت حد وقف قصادي فجأة...بصيت ولقيت كارم بيبصلي وعينيه حمرا من الڠضب وقال:
-انتي ترفضيني أنا ...قوليلي فيه ايه حلو فيكي عشان تتدلعي ...فوقي يا امي أنا كنت آخر فرصة ليكي للجواز...انتي خلاص هتعنسي بالشكل ده ...
مردش عليه وكنت همشي واسيبه.لكنه.مسك ايدي جامد لسه.هصر.خ لقيت كارم پيصرخ بأ.لم وبيقع علي الأرض 
-حسام .
قولتها بإبتسامة وقلبي بيدق جامد 
يتبع
 

الجزء التاني♥️
-المسها مرة تأتي والمرة الجاية مش هضربك بالبوكس وبس لا ده أنا هقـ طع ايديك كمان !!!
قام كارم وهو بيبصله پغضب وقال:
-وانت مالك انت ..دي خطيبتي ...
هزيت راسي وقولت:
-لا كداب أنا رفضته ...
بصله حسام مرة تانية وقال:
-لو لقيتك قريب من بنت خالتي تاني فعلا هقـ.تلك...يالا غور من هنا...
بنية حسام القوية خلت كارم فعلا ېخاف منه عشان كده.مترددش انه يمشي من قدامه بسرعة ...
اتنهدت براحة وقولت لحسام:
-انا افتكرتك هتيجي بالليل ....
ابتسم وقال:
-لا أنا ركبت بدري حبيت اوصل قبل ما الليل يدخل عليا ...يالا نطلع ...
هزيت راسي بعدين هو مشي قدامي وانا وراه ..
.....
دخل البيت عشان مرات ابويا تجري وتحضنه وتقول:
-حبيبي وحشتني اووي ...
كنت انا واقفة وراه ومكنتش واخدة بالها مني ...بس أول ما شافتني وشها اتغير وقالت:
-اهلا يا اختي ..هو ده اللي هتيجي بدري ...الحمدلله اني عملت اكل ومتكلتش علي واحدة خا.يبة زيك والا كان الواد المسكين مش هيلقي لقمة عدلة ياكلها بعد السفر الطويل...
-ماما لو سمحتي متكلمهاش كده .
كان ده صوت حسام اللي دافع عني...صحيح خالتي كانت دايما بتها.جمني بس ابنها غيرها تماما ..حسام دايما كان بيقف جمبي من صغري ..أنا وحسام اتربينا مع بعض تقريبا ..افتكر وقتها أن خالتي كانت بتحبني قبل ۏفاة ماما ...ولما امي اټوفت بابا اتجوز خالتي الأرملة واللي جوزها اټوفي لما كان حسام عنده تسع شهور ..وقتها كان عندي ستاشر سنة..قضيت اول سنة  مع خالتي كويسين بعدين اتقلبت عليا من غير سبب 
-يالا يا فاطمة اغرفي الاكل لاخوكي ...ولا دي كمان مش هتقدري تعمليها ...
قالتها مرات ابويا وهي بتخرجني من شرودي فهزيت راسي وقولت :
-حاضر يا خالتي ...
بعدين روحت بسرعة غيرت هدومي ولبست النقاب بتاعي البيتي ...طول ما حسام هنا مبقلعش النقاب ..يمكن خالتي معتبراه اخويا ..بس الحقيقة مش اخويا وانا عمري ما اعتبرته كده ...
حضرت الاكل وحطيته علي السفرة فاتجمعوا كلهم فقالت خالتي ؛
-انتي لابسة النقاب ليه هو فيه حد غريب
فارتبكت وبصيت لبابا بتوتر فاتكلم هو :
-ايوة يا مروة ..حسام هنا وهو مش اخوها عشان تقعد قدامه بوشها ..
-بس هو بيعتبرها أخته يا حسن فعادي يعني ...
أتدخل حسام وقال:
-ماما لو سمحتي سيبيها علي راحتها عم حسن عنده حق ...بعدين يا جماعة هتحسسوني بالذ.نب ليه تحبوا امشي ..
قال جملته بهزار فضحك بابا وطبطب علي ايده وقال:
-ودي تيجي يا ابني ...انت تقعد هنا قد ما تحب ...
-ده العشم برضه يا عمي ..بس انا هقعد اسبوع وارجع للقاهرة  علي شغلي الشركة بالعافية رضيت تديني إجازة ...
-انا مش عارف ليه ماسك في الشركة دي يا بني ومتغرب عن عيلتك...قولتلك أنا هفتحلك صيدلية هنا وابقي يا سيدي اعتبرها سلفة مش حوار يعني ...
ابتسم حسام وقال:
-معلش يا عمي سيبني براحتي ..
....
مر يومين كمان ولقيت خالتي بتقول فجأة وهما قاعدين علي العشا وانا واخدة عشايا في الاوضة عشان أكل :
-صحيح يا حسن ام كارم كلمتني واعتذرت علي اللي عمله ابنها  مع فاطمة ..وقالت إنها ابنها عايز فاطمة ومصمم عليها ...
جسمي اترعش ووقفت علي باب الاوضة لقيت بابا بيقول:
-الموضوع ده انتهي خلاص يا مروة متتكلميش فيه تاني ...
-يا حسن بس اسمعني فاطمة كبرت في السن ودي فرصة حلوة ليها و...
-مروة خلاص اقفلي الموضوع لو سمحتي ..
قالها بابا بصوت حاسم فسكتت علطول ..
.....
بعد ساعة ..
كان حسام قاعد مع مروة بيشرب الشاي لما قال من غير مقدمات :
-ماما انا قررت اتجوز ...
ابتسمت مروة بسعادة وقالت:
-ياااه اخيرا نويت تفرحني يا حسام يا حبيبي ده انا بتمني اليوم ده ونفسي اشوف عيالك قبل ما امو.ت ..مين سعيدة الحظ 
-فاطمة بنت خالتي !!!
-نعم!!!
صړخت مروة وبعدين حست الدنيا بتلف بيها واغمي عليها ..
يتبع
#عشقت_فاطمة
#سولييه_نصار

الجزء التالت♥️
-امي ...امي فوقي..
قالها حسام وهو بيرش مايه علي أمه اللي أغمي عليها...طلعت أنا فجأة من الاوضة واټصدمت وانا لاقية خالتي علي الأرض وحسام بيفوق فيها ...
-حصل ايه لخالتي ...
قولتها بر.عب وانا بقرب منه ...كنت فعلا خاېفة عليها ..
-متقلقيش هتبقي كويسة ...ضغطها اكيد وطي بس ...
رش عليها مايه تاني لحد ما فاقت بتعب...بعدين بصتلي بړعب وهي بتقول:
-روحي ..روحي من وشي روحي ...
رجعت لورا وعينيها بدأت تدمع من ورا النقاب وقولت بإرتباك :
-انا ...
-انتي تخر سي خالص وتمشي من قدامي ..انتي فاهمة ...يالا غو.ري من هنا ...يالا .....
-ماما كفاية !!!
قالها حسام پغضب بعدين قالي بلطف:
-روحي انتي يا فاطمة وشوفي هتعملي ايه .... انا معاها ...
هزيت راسي وقومت بسرعة وروحت علي اوضتي وقفلت الباب وروحت علي السرير وبعدين انفـ جرت في العياط ...مكنتش مصدقة أنها بتكر.هني بالطريقة دي ...يا تري أنا عملتلها ايه عشان تكر.هني بالشكل ده !!!!!
....
قامت مروة وقعدت علي الانترية وقالت وهي مصډومة:
-قول تاني عايز تتجوز مين يا ابن بطني ...عايزة تتجوز فاطمة ...فاطمة !!!
-ايوة يا امي عايز اتجوزها ايه المانع يعني !
-دي اختك انت عبـ يط ..
هز رأسه وقال:
-لا فاطمة مش اختي ولا عمرها كانت كده ...حضرتك بتحاولي تقنعي نفسك بكده ...لكن أنا عمري ما اقتنعت  أنها اختي ...
كانت مروة مصډومة ..عينيها مدمعة...حاسة أن الماضي بيعيد نفسه مرة تانية وقالت:
-بس دي و.حشة يا حسام ...شكلها و.حش اووي ...
ابتسم حسام وقال:
-اخر مرة شوفت وشها لما كان عندها تمنتاشر سنة قبل ما تنتقب ومش شايف انها وحشة خالص بالعكس جميلة جدا وانا عايزها يا امي ...تكلمي انتي عمي حسن ولا أكلمه أنا ...
-كانت زمان حلوة لكن شوفها دلوقتي وشها يقـ طع الخميرة من البيت ..
-معلش يا امي اشوف بنفسي واقرر
قالها حسام بهدوء 
اتعصـ بت مروة وزعقت فيه 
-بس أنا مش موافقة يا حسام علي الجوازة دي ...علي جثـ تي البنت دي تبقي مراتك ...ايه هتعـ.صي أوامر امك يا حسام ...
مسك حسام ايديها وقال:
-لا طبعا يا ست الكل مقدرش ...بس اكيد مش حابة تشوفي ابنك تعـ.يس ...لا طبعا .....أنا عايز فاطمة وانا مش ناوي اتجوز غيرها ...
-هي ايه الحكاية البنت دي سحـ رتلك ولا ايه ؟!يا بني يا حبيبي ..أنا هوديك لشيخ ..
ضحك حسام وقال:
-كلنا عارفين ان فاطمة مش بتاعة الكلام ده يا امي ...أنا هريحك ..أنا بحب فاطمة من زمان من قبل حتي ما تتجوزي عم حسن..من وقت ما هي كان عندها ١٥سنة وانا كان عندي ١٩ بس فضلت اني استني لما اجهز نفسي ودلوقتي أنا بقا عندي واحد  تلاتين سنة وان الاوان اني اتجوز ولا ايه ...وبصراحة أنا مش عايز غيرها أما هي أو ابقي كده ....
بعدين باس راسها وقال:
-بحبها يا امي بحبها وهكلم عم حسن النهاردة وقبل ما امشي هنتخطب بإذن الله والإجازة اللي جاية نتجوز !!!
..... .
تاني يوم ...
كنت متوترة من الاخبار اللي سمعتها من بابا ...حسام طلب يتجوزني ...مكنتش حتي في احلامي اتوقع ان حسام ..حب الطفولة يتقدملي...يتقدم لواحدة زيي...حسام الراجل المثالي بالنسبالي هيتجوزني أنا ...مكنتش قادرة اسيطر علي فرحتي واللي بابا فهمها موافقة ووافق علي حسام واتفقوا يقعدوا مع بعض علي العشا و يتفقوا علي ميعاد الخطوبة ...
....
بعد ساعتين ..
كنت قاعدة في اوضتي بشوف هلبس ايه علي العشا ...خدودي كانت حمرا من الكسوف والإبتسامة مفارقتش وشي ...مفروض أن النهاردة حسام هيشوفني ... فجأة شهقت لما الباب اتفتح فجأة ولقيتها خالتي ...
-خالتي ..
قولتها وانا وشي شاحب لما شوفت الڠضب اللي علي وشها ..
قفلت الباب وقربت مني وهي بتمسك أيدي جامد وبتقول:
-بت انتي ارفضي حسام ... ارفضيه أنا مش موافقة علي الجوازة دي ...مش هتأخدي مني ابني زي ما المحروسة امك اخدت حبيبي!!!ده مستحيل لو اتجوزتيه هخلي حياتك جحـ.يم !!
يتبع
#عشقت_فاطمة
#سولييه_نصار

الجزء الرابع♥️♥️
-امك  سر*قت مني حب حياتي وانتي عايزة تسر*قي ابني ...ابني مش هتاخديه يا فاطمة ولو اتجوزتيه أنا هخلي عيشتك مر.ار ....أنا هحر.ق قلبك زي ما امك حر.قت قلبي واخدت مني اللي بحبه ...
كانت بتزعق فيا وانا مصډومة فجأة حطيت ايدي علي ودني وصړخت :
-خلاص اسكتي ...اسكتي...اتقي الله ازاي بتتهمي امي بحاجة زي كده ...حرام عليكي دي اختك وميـ.تة..ازاي بتهـ.ينها بالشكل ده ...
دموعها نزلت وبكت وقالت:
-ايه صعبة عليكي الحقيقة صح ؟؟!صعب تعرفي أن امك سر.قت مني اللي بحبه ...أيوة ده اللي حصل .
.أنا اللي شوفت حسن الاول لما جه يسكن جمبنا وانا اللي حبيته وامك كانت عارفة كده كويس وعارفة قد ايه انا بحبه لانها اول واحدة صارحتها بحبي لحسن...بس رغم كده هي اتقربت منه لحد ما اخدته مني واتجوزته ...مهتمتش أن قلبي يتكـ.سر ...ودلوقتي انتي جاية تاخدي ابني كمان ...التاريخ بيعيد نفسه ...
-مروة !!!!
ده كان صوت بابا القوي من ورانا ...بصيتله وانا ببكي ..كان متعصب ..وش خالتي شحب واتوترت ..هو فتح الباب امتي محدش حس بيه خالص ....
-حسن أنا ...
قالتها خالتي بتوتر وبدأت ټعيط ...جريت أنا علي بابا وحضنته وقولت:
-مش عايزة اتجوز ..مش عايزة ...أنا مش هتجوز خالص ...
-اهدي يا حبيبتي ..اهدي ...
قالها بابا وهو بيطبطب عليا ....
وبص لمروة وقال :
-عايزك في كلمتين يا ام حسام !!!
وش مروة شحب اكتر وبسرعة طلعت من الاوضة ...وبعدين بابا طلع من الإوضة وسابني ...
قعدت علي سريري وانا بعيط ...أنا مش هقدر اتحمل الضغط ده ...أنا اتحملت كتير وعارفة اني لو اتجوزت حسام حياتي هتبقي جحـ.يم مع خالتي ...هي مبتحبش اختها ازاي هتحبني أنا ...واخيرا عرفت سبب كر.هها ليا ...وعارفة أن الكر.ه ده مش هيختفي وهبقي أنا الضـ.حية ...حسام مستحيل يخسر والدته عشاني عشان كده قررت ارفضه...رغم أن القرار ده كـ.سر قلبي بس مكنتش هقدر اتحمل اتها.ن اكتر من كده ....
..   
وقف حسن قدام مروة اللي بتترعش وتبكي وقال:
-كنت دايما بشوف معاملتك الۏحشة لبنتي واسكت...صحيح كنتي بتعرفي تخبي حقـ.دك عليها كويس بس انا كنت بحس بنظرات بنتي الحزينة والمكـ.سورة وكنت بقول معلش بكره تعقلي وتعتبريها بنتك ...لكن اللي عملتيه دلوقتي ده مش هقدر اسامح فيه ابدا يا مروة ..
-حسن ابوس ايديك اسمعني أنا ...
-اسكتي...اسكتي ...ذ.نبها ايه بنتي ...ذ.نبها ايه عشان تعامليها بالطريقة دي ...دي بنت يتيمة حرام عليكي مفروض تراعيها وتحتضنيها مش تجر.حي فيها عشان حاجة حصلت من سنين طويلة ...بتعا.قبي بنتي لاني محبتكيش وحبيت اختك ...وكان عندي حق احبها لأنها مش بالحقـ.د بتاعك ...لأنها كانت نقية ....
-هي مين دي اللي نقية ...مين دي اللي طيبة ومش حقو.دة ...دي سر.قتك مني ...كانت عارفة اني بحبك وارتبطت بيك واتجوزتك...حر.قت قلبي ..أنا بكر.هها...وعمري ما هسامحها وبكر.ه بنتك كمان و....
-مروة !!
صړخ حسن ورفع ايده عشان يضر.بها بس وقف علي اخر لحظة وهو بيستغفر ربنا وقال :
-احنا طريقنا مسدود مع بعض ...لازم نتطلق...
-عمي!!!
قالها حسام پصدمة وكان باين أنه سمع كل الكلام اللي دار ...بص لامه وهو مجر.وح منها...
رفع حسن رأسه وقال:
-خد امك معاك يا حسام وبالنسبة لطلب تتجوز بنتي فللأسف مرفوض ..معنديش  بنات للجواز !
يتبع
#عشقت_فاطمة
#سولييه_نصار
​​​​​​الا
-كمل اكل يا حبيبي .
قالتها مروة بحزن وهي شايفة ابنها يدوب اكل كان لقمة وقام ابتسم حسام ببهوت وقال :
-شبعت يا امي شكرا ...
وبعدين قام ودخل اوضته ...
اتنهدت مروة بحزن ...من وقت طلاقها من حسن قبل اسبوعين ورجوعها هي وابنها القاهرة وهو في حالة يأس وصمت تام بيتكلم بالعافية ...اللمعة اللي في عينيه اختفت وهي عارفة كويس انها السبب في كده ...ابنها طلع بيحب فاطمة فعلا وهي بإيدها كـ.سرت قلب ابنها ...كانت ناوية تقـ.سي قلبها شوية وتستني يمكن ينسي لكن حالته بتخلي ضميرها يعذبها هي مش عارفة تنام...پتبكي دايما يمكن طلاقها من حسن مش و.جعها قد حزن ابنها وانكساره ...
مسحت الدموع اللي نزلت من عينيها وعرفت قد ايه هي غلطت ...حقـ،دها بسبب ماضي راح خلاها تغلط كتير وهي اللي خسړت في الاخر واهي بتخسر ابنها ....
.........
حطيت الاكل علي السفرة وانا بحاول ابتسم عشان محسسش بابا اني متضايقة وبعدين ناديت عليه ...خرج وهو علي وشه ابتسامة وقال :
-ايه الجمال ده عملتيلي ورق العنب اللي أنا بحبه ...
هزيت راسي وابتسمت ليه ابتسامة حقيقية من اجمل لحظات حياتي لما بشوف ابتسامة بابا ...أنا بحب اشوفه مبسوط ...قعد علي السفرة وقعدت معاه وبدأ يأكل ....
بعد فترة لاحظ اني قاعدة سرحانة ومباكلش ...
-ايه يا بنتي مالك ؟!
حاولت أشيل الحزن من وشي وقولت :
-لا يا بابا مفيش حاجة أنا كويسة ...
بس رغم كده مقدرتش اسيطر علي دموعي اللي بدأت تنزل ...
اتنهد بابا ومسك أيدي وقال:
-انا عارف انك كنتي موافقة جدا علي حسام وشوفت القبول في عينيكي وانا كمان شوفت الحب في عينيه ليكي ..بس يا بنتي أنا مش هر،ميكي في النا.ر بإيدي ...مروة ممكن تخلي حياتك جحـ.يم ...وحسام مش هيخـ.سر أمه وده الطبيعي وانتي اللي هتعاني في الاخر..بعدين فيه واحد كويس اتقدملك وانا مستني ردك ...يمكن دي فرصة تانية ليكي  ...
مسحت دموعي وابتسمت ببهوت وقولت:
-عندك حق يا بابا يمكن دي فرصة ليا 
ورغم كلامي  بس بابا  كان شايف الانكـ.سار في عينيا  ...
......
مر اسبوع كمان ..

وحالة حسام زي ما هي ...مبياكلش كويس وبيطـ.حن نفسه في الشغل...
كانت الساعة اتنين لما دخل حسام البيت وهو تعبان قربت مروة منه وقالت:
-كده يا حسام تقلقني عليك وقافل موبايلك ده كله ...
كان باين عليه الانكـ.سار  ..عيونه كان فيها بقايا دموع ....
-حسام مالك ...يا ابني يا حبيبي ايه اللي حصلك!!
قالتها مروة وهي مڤزوعة عليه فقال :
-اتصلت بعم حسن النهاردة وقالي فاطمة اتخطبت .
صحيح مزودش كلام لكن في عينيه كان عتاب كبير لامه ...حست مروة وقتها زي ما تكون نظراته بتجـ.لدها !!...
دخل حسام اوضته وقفل علي نفسه الباب وساب مروة وهي قلبها مكـ.سور علي ابنها ...هي اللي د.مرت ابنها ...هي السبب في كل حاجة ...ابنها فقد سعادته خلاص بسببها ...قعدت علي الأرض وفضلت ټعيط جامد وهي مش عارفة تعمل ايه بالضبط ....
.......
بعد تلات ايام  ...
صحي حسام من النوم ودور علي أمه ملقهاش في البيت ...
-ماما ...
قالها حسام بحيرة وبعدين لقي ورقة علي السفرة مكتوب فيها انها سافرت البلد !!
...........
-انتي ايه اللي جابك هنا  دلوقتي !!ليكي عين تيجي بعد اللي عملتيه !!!
صړخ بابا في خالتي اللي كانت باصة في الأرض ودموعها بتنزل مسكت كتفه وقولت :
-بابا خلاص اهدي ډخلها الاول واسمعها ...ميصحش تكلمها من علي الباب ...
بصتلي خالتي ودموعها بتنزل وكان باين عليها الكسوف مني ...
بابا اتنهد وډخلها ...
.....
-خير بقا جاية ليه بعد اللي عملتيه !
-حسن ابني بيضـ.يع مني ..ابني مكـ.سور...أنا عارفة اني عملت حاجات كتير وحشة بس حسام ملوش ذ.نب تكـ.سر قلبه يا حسن ...ابني هيروح مني ...لما سمع خبر خطوبة فاطمة انها.ر ومن وقتها هو حتي اكله القليل مبقاش يأكله...
بصتلها بحيرة وقلق ...أنا أمتي اتخطبت !!بس قلقي علي حسام مخلنيش أفكر في الموضوع  ...
بكت خالتي اكتر وقالت:
-يا حسن ابوس ايديك ادي فاطمة لابني وانا اوعدك هبعد خالص عنهم ...حتي لو حابب محضرش الفرح مش هحضره ولا هاجي البيت اللي عايشين فيه وهشوف ابني من برا ...مستحيل اضايق بنتك ..بس ابوس ايديك أبني هيضيع هو اللي فاضلي ...
وفعلا لسه هتمسك ايد بابا وتبوسها بس بابا سحب ايديه وسكت شوية وقال:
-انا كد.بت علي حسام فاطمة متخطبتش ...أنا كنت حابب اخلي حسام يفـ.قد الأمل ...بس الموضوع ده مش بإيدي لو فاطمة موافقة أنا موافق ...
بصتلي خالتي بتوتر وقالت:
-والله يا بنتي ما هخطي عتبة شقتكم حتي وهبعد خالص بس ابني مكـ.سور من غيرك وانا مقدرش اشوفه كده واسكت ...متاخديش ابني بذ.نب أمه وحتي مش هحضر فرحكم ولا كتب الكتاب ولا اي حاجة ..هبعد نهائيا ...
ابتسمت وقولت:
-هوافق بس بشرط ..
-ايه هو ...
ابتسامتي وسعت وانا بقول شرطي ...مهما غلطت مقدرش اكون و.حشة وامنع  ام من ابنها ...
........
بعد اسبوعين ...
-بارك الله لكما وبارك عليكما وجمع بينكما في خير ...
قلبي دق لما المأذون قال الكلمة دي..قربت مني خالتي وعينيها مليانة دموع وقالت وهي بتمسك ايديا ؛
-خلي بالك منه يا فاطمة فرحي حسام هو يستاهل ...
ابتسمت ليها وقولت :
-اوعدك افرحه ...
ضحكت هي من قلبها واترددت شوية بس بعدين حضنتني وبعدت وقالت:
-لو قدرتي في يوم سامحيني علي اللي عملته يا فاطمة ..عارفة أن ده صعب ومش هلومك لو مقدرتيش...
مقدرتش ارد عليها وقتها ..يمكن أنا لسه زعلانة منها حاليا بس يمكن قدام اقدر اسامحها...
بعد نص ساعة كنا قاعدين في اوضتي أنا وحسام كنت من غير النقاب وبشعري اللي كان لامس نص ضهري تقريبا ...كان حسام بيبصلي بحب كبير وإعجاب...كنت اول مرة احط ميكب علي وشي فقولت بتوتر:
-الميكب مش مضبوط صح ...
ضحك وقال :
-الميكب حلو عشان انتي اللي حطاه..
ضحكت وقولت بكسوف :
-بطل كد.ب عارفة أن شكلي مش احسن حاجة ...
لمس شعرها وقال بحب :
-بس انتي جميلة فعلا ...يعني في معايير الجمال اللي حاططها أنا تأخدي عشرة من عشرة ...وده الاهم صح ..
ابتسمت وحسيت فعلا اني اجمل انسانة في العالم وقولت :
-صح ..
ضمني ليه وقال بوعد:
-اوعدك اني طول الايام اللي جاية هحاول اخليكي اسعد ...مش هقدر اجيبلك القمر أو النجوم بس هعمل دايما الحاجة اللي تسعدك لاني عشقتك  يا بطوط♥️
-وانا كمان ♥️
قولتها براحة وانا ببتسم وبغمض عيني ...اخيرا لقيت سعيدة ...اخيرا شوفت نفسي جميلة وده بفضله♥️
تمت
#عشقت_فاطمة
#سولييه_نصار