رواية توأمي المخادعة للكاتبة ايمان شلبي الجزء الاخير
المحتويات
هقدر استحمل اشوفه مع واحده تانيه غيري والله انا بحبه اوي والله ارجوكي ياوسام روحي قوليله ريماس بتحبك قوليله يسامحني انا والله مكانش قصدي اجرحه ولا اضحك عليه ياااارب يااااارب صبررررني يارب
ريماس فيه ايه انا مش فاهمه انتي بتتكلمي عن ايه
خرجت من حضني وردت بدموع
حسن ح حسن بيكرهني
ا أنا ضحكت عليه ا انا خدعته
مكانش حلم كان كابوس بشع
حلمتي بأيه
وسام
نعم
انا عملت حاجه من وراكي بس خاېفه لو حكيتلك متفهمنيش
رديت بعتاب وانا بمسك ايديها
وانا من أمتي مش بفهمك
سندت رأسها علي رجلي
انتي دايما فهماني بس انا عملت تصرف حقېر
خدعت شخص وخليته يحبني علي اساس انك انا
نعم
ي يعني ايه ازاي يعني مش فاهمه
قامت قعدت في وشي وبصيتلي وعيونها بتلمع بالدموع
قبل ما اعمل الحاډثه كان في واحد زميلي في الكليه ك كنت معجبه بيه اوي و وكنت بلاحظ نظراته ليا وبحس أن هو كمان معجب بيا ك كان عندي امل أنه يحبني ويعترفلي في يوم من الايام ويتقدملي زي ما بشوف في قصص الحب والافلام كنت عايشه في عالم الخيال طول الوقت بس كنت دايما بسال نفسي سؤال
وبعدين كملي
فضلت تحكيلي الموضوع بالتفصيل وانا بسمعها بهدوء وتفاهم بالرغم من حزني انها خدعته وخدعتني انا كمان لكن مكانش لازم أبين ده لأنها كانت مڼهاره ومحتاجه حد يطبطب عليها
لسه بتكلميه
ايوه
واخرتها يا ريماس
هو ده الحل !
اومال عايزاني اعمل ايه
ا الحلم ده مكانش مجرد حلم عادي ده كان اشاره من ربنا عشان ابعد ومجرحش مشاعري
وټجرحي مشاعره هو عادي
ردت بدموع
ڠصب عني مشيت ورا قلبي ومفكرتش في العواقب
مينفعش تبعدي فجأه كده
اومال اعمل ايه
ابعتيله ماسدج وعرفيه الحقيقه
وبعدين هو ليه حريه الاختيار
ب بس.....
رديت بجمود
عارفه انك خاېفه من رد فعله وخاېفه علي مشاعرك اللي ممكن ېجرحها بس اللي عمل تصرف من غير ما يفكر في العواقب لازم يتحمل نتيجه الاخطاء بتاعته!
و وسام انتي زعلانه مني
اخدت نفس عميق ورديت بهدوء وملامح خاليه من اي تعبير
مش مهم أنا دلوقتي المهم انك لازم تخلصي من الموضوع ده في اقرب وقت
قاطعتها بضيق وانا برد بنبره مخنوقه بالعياط
لو سمحتي مش وقته ويلا اعملي اللي قولتلك عليه اتفضلي
قولت جملتي وانا بمدلها ايدي بالفون
فتحته وكانت لسه هتكتب
صحيح انا ازاي ملاحظتش انك بتكلميه
بلعت ريقها بتوتر
ك كنت بخليه يتكلم بليل لما انا ابعتله ماسدج ولما بخلص كنت بمسح الشات
بصيتلها بعتاب وسكتت بالرغم أن كان جوايا اسئله كتير جدا وكلام لو قولته هيتعبها ويأذيها
بالرغم من كل ده مكانش هاين عليا ازعلها بكلمه حتي
صحيح اوقات من كتر حبنا لأشخاص ومن كتر ما حنا واثقين
متابعة القراءة
